ਲੁਧਿਆਣਾ -(ਮਨਦੀਪ ਕੌਰ)- ਬੀਤੀ ਰਾਤ ਲੁਧਿਆਣਾ ਵਿੱਚ ਜਨਕਪੁਰੀ ਇਲਾਕੇ ਦੇ ਵਿੱਚ ਇੱਕ ਲੈਬ ਟੈਕਨੀਸ਼ੀਅਨ ਦੀ ਬਾਈਕ ਨੂੰ ਤੇਜ਼ ਰਫਤਾਰ ਪਿਕਅਪ ਟਰੱਕ ਵੱਲੋਂ ਟੱਕਰ ਮਾਰ ਦਿੱਤੀ ਗਈ। ਪਿਕਅਪ ਡਰਾਈਵਰ ਤੇਜ਼ ਰਫਤਾਰ ਦੇ ਨਾਲ ਭੱਜ ਗਿਆ। ਨੌਜਵਾਨ ਦੀ ਬਾਇਕ ਉਸ ਪਿਕਅਪ ਗੱਡੀ ਦੇ ਥੱਲੇ ਫਸ ਗਈ ਜਿਸ ਨੂੰ ਉਹ 800 ਮੀਟਰ ਤੱਕ ਘਸੀਟ ਦਾ ਲੈ ਗਿਆ। ਲੋਕਾਂ ਨੇ ਭੱਜ ਰਹੇ ਡਰਾਈਵਰ ਦਾ ਪਿੱਛਾ ਕੀਤਾ ਤੇ ਉਸਨੂੰ ਫੜ ਲਿਆ।
ਹਾਦਸੇ ਦੇ ਵਿੱਚ ਮੋਟਰਸਾਈਕਲ ਸਵਾਰ ਗੰਭੀਰ ਰੂਪ ਦੇ ਵਿੱਚ ਜਖਮੀ ਹੋ ਗਿਆ ਜਖਮੀ ਦੀ ਪਹਿਚਾਨ ਸੰਜੀਵ ਕੁਮਾਰ ਵਜੋਂ ਹੋਈ ਹੈ। ਉਸ ਨੂੰ ਇਲਾਜ ਦੇ ਲਈ ਸੀਐਮਸੀ ਹਸਪਤਾਲ ਦੇ ਵਿੱਚ ਲੈਜਾਇਆ ਗਿਆ । ਉਸ ਦੀ ਛਾਤੀ ਅਤੇ ਪਸਲੀਆਂ ਟੁੱਟ ਗਈਆਂ। ਪਿਕਅਪ ਟਰੱਕ ਦੇ ਵਿੱਚ ਚਾਰ ਲੋਕ ਸਵਾਰ ਸਨ ਜਿਨਾਂ ਵਿੱਚੋਂ ਦੋ ਨੂੰ ਮੌਕੇ ਉੱਤੋਂ ਫੜ ਲਿਆ ਗਿਆ ਇੱਕ ਫਰਾਰ ਹੋ ਗਿਆ ਅਤੇ ਇੱਕ ਨੂੰ ਜ਼ਖਮੀ ਹਾਲਤ ਵਿੱਚ ਹਸਪਤਾਲ ਦਾਖਲ ਕਰਵਾਇਆ ਗਿਆ।
ਜ਼ਖਮੀ ਨੌਜਵਾਨ ਦੇ ਦੋਸਤ ਜੱਸੀ ਨੇ ਦੱਸਿਆ ਕਿ ਸੰਜੀਵ ਰਾਤ ਨੂੰ ਡੋਸਾ ਖਰੀਦ ਕੇ ਚੀਮਾ ਚੌਕ ਨੇੜੇ ਇੱਕ ਬਰਗਰ ਦੀ ਦੁਕਾਨ ”ਤੇ ਜਾ ਰਿਹਾ ਸੀ। ਜਿਸ ਤੋਂ ਬਾਅਦ ਉਸਨੂੰ ਘਰ ਵਾਪਸ ਆਉਣਾ ਪਿਆ, ਪਰ ਇਸ ਤੋਂ ਪਹਿਲਾਂ ਹੀ ਜਨਕਪੁਰੀ ਪੁਲਿਸ ਸਟੇਸ਼ਨ ਦੇ ਸਾਹਮਣੇ ਇੱਕ ਤੇਜ਼ ਰਫ਼ਤਾਰ ਪਿਕਅੱਪ ਗੱਡੀ ਨਾਲ ਉਸਦੀ ਸਿੱਧੀ ਟੱਕਰ ਹੋ ਗਈ।
ਡਰਾਈਵਰ ਵਿਜੇ ਨੇ ਗੱਡੀ ਭਜਾ ਲਈ ਸੀ ਪਰ ਲੋਕਾਂ ਨੇ ਉਸਦਾ ਪਿੱਛਾ ਕਰਕੇ ਉਸਨੂੰ ਫੜ ਲਿਆ। ਦੋਸ਼ੀ ਵਿਜੇ ਨੇ ਸੰਜੀਵ ਦੀ ਬਾਈਕ ਨੂੰ ਗੱਡੀ ਨਾਲ ਲਗਭਗ 800 ਮੀਟਰ ਤੱਕ ਘਸੀਟਿਆ। ਫਿਲਹਾਲ 2 ਲੋਕਾਂ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ ਜਦੋਂ ਕਿ ਇੱਕ ਵਿਅਕਤੀ ਫਰਾਰ ਹੈ। ਸ਼ਰਾਬੀ ਹਾਲਤ ਵਿੱਚ ਡਰਾਈਵਰ ਵਿਜੇ ਸਿਵਲ ਹਸਪਤਾਲ ਵਿੱਚ ਦਾਖਲ ਹੈ।
ਜਾਣਕਾਰੀ ਦੇ ਮੁਤਾਬਿਕ ਸੰਜੀਵ ਕੁਮਾਰ ਹਿਮਾਚਲ ਉਨਾ ਦਾ ਰਹਿਣ ਵਾਲਾ ਹੈ। ਬੀਤੀ ਰਾਤ ਸੀਐਮਸੀ ਹਸਪਤਾਲ ਵਿੱਚ ਉਸਦੇ ਦਿਮਾਗ ਦਾ ਆਪ੍ਰੇਸ਼ਨ ਕੀਤਾ ਗਿਆ। ਉਸਦਾ ਬਹੁਤ ਸਾਰਾ ਖੂਨ ਵਹਿ ਗਿਆ ਹੈ। ਉਸਦੀ ਛਾਤੀ ਦੀਆਂ ਪਸਲੀਆਂ ਟੁੱਟ ਗਈਆਂ ਹਨ। ਉਸਦੇ ਸਰੀਰ ਦਾ ਖੱਬਾ ਪਾਸਾ ਹਵਾ ਨਾਲ ਭਰਿਆ ਹੋਇਆ ਹੈ। ਜੱਸੀ ਦੇ ਅਨੁਸਾਰ, ਸੰਜੀਵ ਦਾ ਫੋਨ ਪੁਲਿਸ ਕੋਲ ਹੈ। ਹੁਣ ਜਨਕਪੁਰੀ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰੇਗੀ।
