ਮੁੱਲਾਂਪੁਰ ਦਾਖਾ -(ਮਨਦੀਪ ਕੌਰ )- ਮੁੱਲਾਪੁਰ ਸ਼ਹਿਰ ਅਤੇ ਲਾਗਲੇ ਪਿੰਡਾਂ ਦੇ ਘੁੱਗੋ ਵੱਸਦੇ ਉਦਯੋਗਿਕ ਸ਼ਹਿਰ ਲੁਧਿਆਣਾ ਵਿੱਚ ਚਿੱਟੇ ਦਿਨ ਨਕਲੀ ਦੁੱਧ ਪਨੀਰ ਖੋਇਆ ਅਤੇ ਮਿਠਿਆਈਆਂ ਆਮ ਲੋਕਾਂ ਨੂੰ ਪਰੋਸੀਆਂ ਜਾ ਰਹੀਆਂ ਹਨ ਅਤੇ ਸਸਤੇ ਭਾਅ ਵਿੱਚ ਦੱਸ ਕੇ ਭੋਲੇ ਭਾਲੇ ਲੋਕਾਂ ਦੀ ਜ਼ਿੰਦਗੀ ਦੇ ਨਾਲ ਅਤੇ ਸਿਹਤ ਦੇ ਨਾਲ ਖਿਲਵਾੜ ਕੀਤਾ ਜਾ ਰਿਹਾ ਹੈ ਕਈ ਵਾਰ ਖਬਰਾਂ ਪ੍ਰਕਾਸ਼ਿਤ ਕਰਨ ਦੇ ਬਾਵਜੂਦ ਵੀ ਸਿਹਤ ਮਹਿਕਮਾ ਅਣਗੈਲੀ ਕਰ ਜਾਂਦਾ ਹੈ ਪਤਾ ਨਹੀਂ ਕਿਉਂ?
ਹੁਣ ਲੋਕ ਜਾਗਰੂਕ ਹੋ ਰਹੇ ਹਨ ਅਤੇ ਇਹਨਾਂ ਮਿਲਾਵਟ ਖੋਰਾ ਵਿਰੁੱਧ ਆਵਾਜ਼ ਬੁਲੰਦ ਕਰਨ ਲੱਗ ਗਏ ਹਨ । ਜਿਸ ਦੀ ਤਾਜ਼ਾ ਉਦਾਹਰਨ ਪਿੰਡ ਬੋਪਾਰਾਏ ਕਲਾਂ ਦੇ ਨੌਜਵਾਨ ਨਾ ਅਤੇ ਸਮੂਹ ਪੰਚਾਇਤ ਮਿਲਦੀ ਹੈ ਜਿਨਾਂ ਨੇ ਪਿੰਡ ਵਿੱਚ ਹੀ ਮਠਿਆਈ ਦੀ ਦੁਕਾਨ ਤੇ ਬਣਦਾ ਨਕਲੀ ਪਨੀਰ ਬਣਾਉਂਦਾ ਦੁਕਾਨਦਾਰ ਖੁਦ ਹੀ ਫੜ ਕੇ ਸੇਤ ਵਿਭਾਗ ਦੀ ਟੀਮ ਨੂੰ ਸਦ ਕੇ ਉਸ ਵਿਰੁੱਧ ਕਾਰਵਾਈ ਕਰਨ ਨੂੰ ਕਿਹਾ ਜਦ ਕਿ ਦੁਕਾਨਦਾਰ ਤੋਂ ਨਕਲੀ ਪਨੀਰ ਅਤੇ ਉਸ ਤੋਂ ਬਣਨ ਵਾਲੇ ਪਦਾਰਥ ਮਿਆਦ ਪੂਰੀ ਵਾਲੇ ਮਿਲਕ ਪਾਊਡਰ ,ਯੂਰੀਆ ,ਡਿਟਰਜਟ ਅਤੇ ਦੁੱਧ ਤਿਆਰ ਕਰਨ ਵਾਲੇ ਕੈਮੀਕਲ ਪਿੰਡ ਦੇ ਕਿਸਾਨਾਂ ਦੀ ਹਾਜ਼ਰੀ ਦੇ ਵਿੱਚ ਫੜਾਏ ਗਏ ਹਨ।
ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਮਠਿਆਈ ਦੀ ਦੁਕਾਨ ਦਾ ਮਾਲਕ ਜਿੰਮ ਜਾ ਰਹੇ ਨੌਜਵਾਨਾਂ ਨੂੰ ਨਕਲੀ ਪਨੀਰ ਦਿੰਦਾ ਸੀ ਅਤੇ ਉਨਾਂ ਨੂੰ ਇਸ ਤੇ ਗੱਲ ਦਾ ਸ਼ੱਕ ਵੀ ਸੀ। ਇਸ ਸਬੰਧੀ ਸਿਹਤ ਵਿਭਾਗ ਦੀ ਟੀਮ ਨੂੰ ਵੀ ਸੂਚਿਤ ਕੀਤਾ ਗਿਆ। ਪਿੰਡ ਵਾਸੀਆਂ ਨੇ ਕਿਹਾ ਕਿ ਅੱਜ ਲੋੜ ਹੈ ਇਹੋ ਜਿਹੇ ਮਿਲਾਵਟ ਖੋਰਾ ਵਿਰੁੱਧ ਆਵਾਜ਼ ਬੁਲੰਦ ਕਰਕੇ ਇਹਨਾਂ ਨੂੰ ਨੱਥ ਪਾਉਣ ਦੀ ਤਾਂ ਜੋ ਆਮ ਲੋਕ ਦੀ ਜ਼ਿੰਦਗੀ ਨਾਲ ਹੋ ਰਹੇ ਖਿਲਵਾੜ ਨੂੰ ਬਚਾਇਆ ਜਾ ਸਕੇ ਤਾਂ ਹੀ ਇਹਨਾਂ ਨਕਲੀ ਪਦਾਰਥਾਂ ਤੋਂ ਲੱਗਣ ਵਾਲੀਆਂ ਭਿਆਨਕ ਬਿਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ।
