ਪੰਜਾਬ -(ਮਨਦੀਪ ਕੌਰ )- ਲੁਧਿਆਣਾ ਦੇ ਬਸਤੀ ਜੌਧੇਵਾਲ ਇਲਾਕੇ ਵਿੱਚ ਬੈਗ ਦੀ ਦੁਕਾਨ ਵਿੱਚੋਂ ਇੱਕ ਸ਼ੱਕੀ ਬੈਗ ਮਿਲਿਆ ਜਿਸ ਵਿੱਚੋਂ ਇਨਪ੍ਰੋਵਾਈਡਜ ਐਕਸਪਲੋਸਿਸ ਡਿਵਾਈਸ ਬਰਾਮਦ ਹੋਇਆ ਪੁਲਿਸ ਬੁੱਧਵਾਰ ਰਾਤ ਤੋਂ ਹੀ ਬੈਕ ਦੀ ਜਾਂਚ ਕਰ ਰਹੀ ਸੀ ਅਤੇ ਵੀਰਵਾਰ ਦੁਪਹਿਰ ਨੂੰ ਇਸ ਦੇ ਵਿਸਫੋਟਕ ਹੋਣ ਦੀ ਪੁਸ਼ਟੀ ਹੋਈ।
ਜਿਸ ਦੁਕਾਨ ਤੋਂ ਬੈਗ ਬਰਾਮਦ ਹੋਇਆ ਸੀ ਉਸ ਦੇ ਮਾਲਿਕ ਨੇ ਦੱਸਿਆ ਕਿ ਇੱਕ ਸ਼ੱਕੀ ਵਿਅਕਤੀ ਲਗਭਗ ਚਾਰ ਦਿਨ ਪਹਿਲਾਂ ਬਰੀਫ ਕੇਸ ਖਰੀਦਣ ਲਈ ਦੁਕਾਨ ਤੇ ਆਇਆ ਸੀ। ਉਸ ਵਿਅਕਤੀ ਨੇ ਦੁਕਾਨਦਾਰ ਨੂੰ 500 ਰੁਪਏ ਪਹਿਲਾਂ ਦਿੱਤੇ ਅਤੇ ਕਿਹਾ ਕਿ ਉਹ ਇਸ ਨੂੰ ਲੈਣ ਲਈ ਜਲਦੀ ਹੀ ਵਾਪਸ ਆਵੇਗਾ।
ਉਸ ਨੇ ਆਪਣੇ ਨਾਲ ਲਿਆਇਆ ਬੈਗ ਦੁਕਾਨ ਵਿੱਚ ਛੱਡ ਦਿੱਤਾ ਬੀਤੀ ਰਾਤ ਜਦੋਂ ਬੈਗ ਵਿੱਚੋਂ ਪੈਟਰੋਲ ਦੀ ਬਦਬੂ ਆਉਣੀ ਸ਼ੁਰੂ ਹੋਈ ਤਾਂ ਦੁਕਾਨਦਾਰ ਨਹੀਂ ਇਮਾਰਤ ਦੇ ਮਾਲਕ ਨੂੰ ਸੂਚਿਤ ਕੀਤਾ। ਇਮਾਰਤ ਹਰਬੰਸ ਟਾਵਰ ਦੇ ਮਾਲਕ ਰਿੰਕੂ ਨੇ ਸ਼ੱਕੀ ਬੈਗ ਦੇਖਿਆ ਅਤੇ ਤੁਰੰਤ ਦ੍ਰਿਸ਼ੀ ਥਾਣੇ ਵਿੱਚ ਪੁਲਿਸ ਨੂੰ ਸੂਚਿਤ ਕੀਤਾ।
ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਕਮਿਸ਼ਨਰ ਸਵਪਨ ਸ਼ਰਮਾ ਪੁਲਿਸ ਸਟੇਸ਼ਨ ਪਹੁੰਚੇ ਅਤੇ ਮਾਮਲੇ ਦੀ ਜਾਣਕਾਰੀ ਲਈ। ਪੁਲਿਸ ਨੇ ਘਟਨਾ ਦੇ ਸਬੰਧ ਵਿੱਚ ਦੋ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਹੈ।
