ਹਰਿਦੁਆਰ -(ਮਨਦੀਪ ਕੌਰ )- ਇਸ ਵੇਲੇ ਦੀ ਸਭ ਤੋਂ ਵੱਡੀ ਖਬਰ ਉੱਤਰਾਖੰਡ ਦੇ ਹਰਿਦਵਾਰ ਤੋਂ ਸਾਹਮਣੇ ਆ ਰਹੀ ਹੈ। ਜਿੱਥੇ ਪੇਸ਼ੀ ਤੇ ਜਾਂਦੇ ਇੱਕ ਨਾਮੀ ਗੈਂਗਸਟਰ ਦੇ ਉੱਪਰ ਕੁਝ ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਦੇ ਵੱਲੋਂ ਅੰਨੇ ਵਾਹੀ ਫਾਇਰਿੰਗ ਕੀਤੀ ਗਈ। ਇਹ ਸਾਰਾ ਹਾਦਸਾ ਪੰਜਾਬ ਦੇ ਵਿੱਚ ਵਾਪਰਿਆ ਨਾਮੀ ਸੁੱਖਾ ਕਾਹਲਵਾਂ ਦੀ ਪੇਸ਼ੀ ਤੇ ਜਾਂਦੇ ਹੋਏ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਸੀ। ਉਸੇ ਤਰ੍ਹਾਂ ਹੀ ਇੱਥੇ ਇਹ ਹਾਦਸੇ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਇਥੇ ਵੀ ਪੇਸ਼ੀ ਤੇ ਜਾਣ ਵੇਲੇ ਨਾਮੀ ਗੈਂਗਸਟਰ ਨੂੰ ਠੀਕ ਸੁੱਖਾ ਕਾਹਲਵਾਂ ਵਾਂਗ ਨਿਸ਼ਾਨਾ ਬਣਾਇਆ ਗਿਆ ਹੈ। ਗੈਂਗਸਟਰ ਵਿਨੇ ਤਿਆਗੀ ਨੂੰ ਪੁਲਿਸ ਦੀ ਟੀਮ ਨਾਲ ਪੇਸ਼ੀ ਤੇ ਲਿਜਾਣ ਵਾਲੇ ਰਾਹ ਵਿੱਚ ਘੇਰ ਲਿਆ ਗਿਆ ਅਤੇ ਉਸ ਉੱਤੇ ਅੰਨੇ ਵਾਹੀ ਫਾਇਰਿੰਗ ਕੀਤੀ ਗਈ ਹਾਲਾਂਕਿ ਇਸ ਫਾਇਰਿੰਗ ਦੇ ਵਿੱਚ ਉਹ ਬਾਲ ਬਾਲ ਬਚ ਗਿਆ ਪਰ ਗੰਭੀਰ ਰੂਪ ਦੇ ਵਿੱਚ ਜਖਮੀ ਹੋ ਗਿਆ। ਦੱਸਣ ਯੋਗ ਹੈ ਕਿ ਹਰਦੁਆਰ ਜਿਲੇ ਦੇ ਅਕਸਰ ਇਲਾਕੇ ਵਿੱਚ ਉਸ ਸਮੇਂ ਭਾਰੀ ਦਹਿਸ਼ਤ ਫੈਲ ਗਈ ਜਦੋਂ ਰੁੜਕੀ ਜੇਲ ਤੋਂ ਅਦਾਲਤ ਲਈ ਪੇਸ਼ੀ ਲਈ ਲਜਾਏ ਜਾ ਰਹੇ ਵਿਨੇ ਤਿਆਗੀ ਤੇ ਮੋਟਰਸਾਈਕਲ ਸਵਾਰ ਬਦਮਾਸ਼ਾਂ ਨੇ ਅੰਨੇ ਵਾਹੀ ਗੋਲੀਆਂ ਚਲਾ ਦਿੱਤੀਆਂ। ਇਸ ਹਮਲੇ ਦੇ ਵਿੱਚ ਵਿਨੇ ਤਿਆਗੀ ਅਤੇ ਪੁਲਿਸ ਕਾਫਲੇ ਦੇ ਵਿੱਚ ਸ਼ਾਮਿਲ ਦੋ ਕਾਂਸਟੇਬਲ ਗੰਭੀਰ ਰੂਪ ਦੇ ਵਿੱਚ ਜ਼ਖਮੀ ਹੋ ਗਏ।
ਸੂਤਰਾਂ ਅਨੁਸਾਰ ਇਹ ਵਾਰਦਾਤ ਲਕਸਰ ਫਲਾਈ ਓਵਰ ਦੇ ਕੋਲ ਵਾਪਰੀ ਜਦੋਂ ਸਪੈਸ਼ਲ ਵਨ ਪੁਲਿਸ ਫੋਰਸ ਦੀ ਸਖਤ ਸੁਰੱਖਿਆ ਹੇਠ ਅਪਰਾਧੀ ਨੂੰ ਲਕਸਰ ਅਦਾਲਤ ਦੇ ਵਿੱਚ ਲਜਾਇਆ ਜਾ ਰਿਹਾ ਸੀ ਤਾਂ ਉੱਥੇ ਪਹਿਲਾ ਤੋਂ ਹੀ ਟਰੈਪ ਲਗਾ ਕੇ ਬੈਠੇ ਅਨਪਛਾਤੇ ਹਮਲਾਵਰਾਂ ਨੇ ਅਚਾਨਕ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਇਸ ਅਚਾਨਕ ਹੋਈ ਗੋਲਾਬਾਰੀ ਕਾਰਨ ਇਲਾਕੇ ਵਿੱਚ ਹਫੜਾ ਦਫੜੀ ਮੱਚ ਗਈ।
ਗੋਲੀਬਾਰੀ ਦੇ ਵਿੱਚ ਜਖਮੀ ਹੋਏ ਵਿਨੇ ਤਿਆਗੀ ਅਤੇ ਦੋਵੇਂ ਪੁਲਿਸ ਮੁਲਾਜ਼ਮਾਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ ਦਿਨੇ ਤਿਆਗੀ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਉੱਚ ਇਲਾਜ ਲਈ ਰੈਫਰ ਕਰ ਦਿੱਤਾ ਗਿਆ ਹੈ।
ਇਸ ਘਟਨਾ ਨੇ ਪੁਲਿਸ ਦੇ ਸੁਰੱਖਿਆ ਪ੍ਰਬੰਧਕਾਂ ਤੇ ਵੀ ਵੱਡੇ ਸਵਾਲ ਖੜੇ ਕੀਤੇ ਹਨ ਕਿਉਂਕਿ ਇਲਾਕੇ ਦੇ ਵਿੱਚ ਜਗ੍ਹਾ ਜਗ੍ਹਾ ਤੇ ਨਾਕਾਬੰਦੀ ਹੋਣ ਦੇ ਬਾਵਜੂਦ ਵੀ ਹਮਲਾਵਰਾਂ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ। ਅਤੇ ਅੰਜਾਮ ਦੇਣ ਤੋਂ ਬਾਅਦ ਫਰਾਰ ਹੋਣ ਚ ਵੀ ਸਫਲ ਰਹੇ ਹਨ। ਘਟਨਾ ਤੋਂ ਬਾਅਦ ਪੂਰੇ ਹਰਿਦਵਾਰ ਜਿਲ੍ਹੇ ਦੇ ਵਿੱਚ ਹਾਈ ਅਲਰਟ ਕਰ ਦਿੱਤਾ ਗਿਆ ਹੈ। ਪੁਲਿਸ ਨੇ ਫਰਾਰ ਹਮਲਾਵਰਾਂ ਦੀ ਭਾਲ ਲਈ ਪੂਰੇ ਖੇਤਰ ਦੇ ਵਿੱਚ ਨਾਕਾਬੰਦੀ ਕਰ ਦਿੱਤੀ ਹੈ ਅਤੇ ਵਾਹਨਾਂ ਦੀ ਸਖਤ ਚੈਕਿੰਗ ਕੀਤੀ ਜਾ ਰਹੀ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਮਲਾਵਰਾਂ ਨੂੰ ਜਲਦੀ ਹੀ ਗ੍ਰਿਫਤਾਰ ਕੀਤਾ ਜਾਵੇਗਾ।
