ਜਲੰਧਰ -(ਮਨਦੀਪ ਕੌਰ )- ਜਲੰਧਰ ਦੇ ਲੋਕਾਂ ਲਈ ਇੱਕ ਬਹੁਤ ਹੀ ਜਰੂਰੀ ਖਬਰ ਸਾਹਮਣੇ ਆਈ ਹੈ ਦਰਅਸਲ ਵੀਰਵਾਰ ਨੂੰ ਪੰਜ ਲੋਕਾਂ ਦੀ ਡੇਂਗੂ ਰਿਪੋਰਟ ਪੋਜੀਟਿਵ ਆਉਣ ਦੇ ਕਾਰਨ ਜਿਲੇ ਵਿੱਚ ਡੇਂਗੂ ਪੋਜੀਟਿਵ ਮਰੀਜ਼ਾਂ ਦੀ ਗਿਣਤੀ 15 ਤੱਕ ਪਹੁੰਚ ਗਈ ਹੈ। ਇਸ ਤੋਂ ਇਲਾਵਾ ਛੇ ਮਰੀਜ਼ ਸ਼ਹਿਰੀ ਇਲਾਕਿਆਂ ਦੇ ਹਨ ਅਤੇ ਨੌ ਮਰੀਜ਼ ਪਿੰਡਾਂ ਦੇ ਰਹਿਣ ਵਾਲੇ ਹਨ। ਸਿਹਤ ਅਧਿਕਾਰੀਆਂ ਨੇ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਹੈ ਅਤੇ ਡੇਂਗੂ ਫੈਲਣ ਤੋਂ ਬਚਾ ਲਈ ਜਲਦੀ ਕਾਰਵਾਈ ਕਰਨ ਦੀ ਸਿਫਾਰਿਸ਼ ਕੀਤੀ ਹੈ। ਲੋਕਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਖੁੱਲੇ ਪਾਣੀ ਦੀ ਟੈਂਕੀ ,ਬੇਕਾਰ ਹੋਏ ਬਰਤਨ, ਜਿਨਾਂ ਨੂੰ ਘਰ ਦੇ ਬਾਹਰ ਕਿਸੇ ਕੋਨੇ ਵਿੱਚ ਰੱਖ ਦਿੱਤਾ ਜਾਂਦਾ ਹੈ ਜਾਂ ਉਸ ਵਿੱਚੋਂ ਮੱਛਰ ਪੈਦਾ ਹੋ ਸਕਦੇ ਹਨ ,ਇਸ ਤੋਂ ਇਲਾਵਾ ਉਹ ਥਾਵਾਂ ਜਿੱਥੇ ਮੱਛਰ ਪੈਦਾ ਹੁੰਦੇ ਹਨ ਨੂੰ ਜਲਦੀ ਤੋਂ ਜਲਦੀ ਸਾਫ ਕਰਵਾਇਆ ਜਾਵੇ ਇਹਦੇ ਨਾਲ ਨਾਲ ਲੋਕ ਆਪਣੀ ਸਿਹਤ ਦਾ ਵੀ ਪੂਰੀ ਤਰਹਾਂ ਧਿਆਨ ਰੱਖਣ ਅਤੇ ਡੇਂਗੂ ਦੇ ਲੱਛਣ ਆਉਣ ਦੇ ਨਾਲ ਤੁਰੰਤ ਡਾਕਟਰ ਸਹਾਇਤਾ ਲੈਣ।
ਜਿਲਾ ਐਪੀਡੈਮੋਲੋਜਿਸਟ ਡਾਕਟਰ ਅਦਿਤਿਆਪਾਲ ਨੇ ਦੱਸਿਆ ਕਿ ਵੀਰਵਾਰ ਨੂੰ ਡੇਂਗੂ ਸ਼ੱਕੀ ਮਰੀਜ਼ਾਂ ਦੇ ਸੈਂਪਲਾਂ ਦੀ ਜਾਂਚ ਕੀਤੀ ਗਈ ਜਿਨਾਂ ਵਿੱਚੋਂ ਪੰਜ ਦੀ ਰਿਪੋਰਟ ਪੋਜੀਟਿਵ ਆਈ ਅਤੇ ਇਹਨਾਂ ਵਿੱਚੋਂ ਤਿੰਨ ਮਰੀਜ਼ ਦੂਜੇ ਜਿਲਿਆਂ ਦੇ ਨਾਲ ਸੰਬੰਧਿਤ ਪਾਏ ਗਏ । ਡਾਕਟਰ ਅਦਿਤਿਆ ਨੇ ਕਿਹਾ ਕਿ ਸਿਹਤ ਵਿਭਾਗ ਦੀਆਂ ਐਂਟੀ ਲਾਰਵਾ ਟੀਮਾਂ ਨੇ ਵੀਰਵਾਰ ਨੂੰ 3065 ਘਰਾਂ ਦਾ ਸਰਵੇ ਕੀਤਾ ਅਤੇ 15 ਥਾਵਾਂ ਤੇ ਡੇਂਗੂ ਫੈਲਾਉਣ ਵਾਲੇ ਮੱਛਰਾਂ ਦਾ ਲਾਰਵਾ ਮਿਲਿਆ ਵਿਭਾਗ ਦੀਆਂ ਟੀਮਾਂ ਹੁਣ ਤੱਕ ਜਿਲੇ ਵਿੱਚ 408757 ਘਰਾਂ ਦਾ ਸਰਵੇ ਕਰ ਚੁੱਕੀਆਂ ਹਨ ਅਤੇ ਇਸ ਦੌਰਾਨ 112 ਘਰਾਂ ਦੇ 1258 ਕੰਟੇਨਰਾਂ ਵਿੱਚ ਲਾਰਵਾ ਮਿਲਿਆ ਜਿਸ ਨੂੰ ਉਹਨਾਂ ਨੇ ਪੂਰੀ ਤਰਹਾਂ ਨਸ਼ਟ ਕਰਵਾ ਦਿੱਤਾ।
ਡੇਂਗੂ ਦੇ ਲੱਛਣ:-
ਡੇਂਗੂ ਇੱਕ ਮੱਛਰਾਂ ਤੋਂ ਫੈਲਣ ਵਾਲੀ ਬਿਮਾਰੀ ਹੈ ਜਿਸਦੇ ਮੁੱਖ ਲੱਛਣਾਂ ਵਿੱਚ ਤੇਜ਼ ਬੁਖਾਰ ਸਿਰ ਦਰਦ ,ਜੋੜਾ ਅਤੇ ਮਾਸਪੇਸ਼ੀਆਂ ਵਿੱਚ ਦਰਦ ,ਥਕਾਵਟ ਅਤੇ ਚੱਕਰ ਹੋਣਾ ਸ਼ਾਮਿਲ ਹਨ। ਡੇਂਗੂ ਦੇ ਇਲਾਜ ਲਈ ਵਿਸ਼ੇਸ਼ ਦਵਾਈ ਨਹੀਂ ਹੈ ।ਪਰ ਮਰੀਜ਼ਾਂ ਨੂੰ ਪੂਰਾ ਆਰਾਮ ਕਰਾਉਣਾ ਜਿਆਦਾ ਪਾਣੀ ਪਿਲਾਉਣਾ ਅਤੇ ਬੁਖਾਰ ਘਟਾਉਣ ਵਾਲੀਆਂ ਦਵਾਈਆਂ ਵਰਤਣਾ ਜਰੂਰੀ ਹੈ ਜੇ ਲੱਛਣ ਗੰਭੀਰ ਹੋਣ ਰਕਤ ਕਮੀ ਜਾ ਥਕਾਵਟ ਵਧਣ ਦੀ ਸਥਿਤੀ ਆਵੇ ਤਾਂ ਤੁਰੰਤ ਡਾਕਟਰ ਦੀ ਸਹਾਇਤਾ ਲੈਣੀ ਚਾਹੀਦੀ ਹੈ।
